Els han fat ün mandat preventiv tenor l' art. 360 CCS e vulessan mantgnair il lö da conservaziun pro l'uffizi da stadi civil. L'uffizi da stadi civil integrescha il lö da conservaziun da Vossa incumbensa preventiva i'l register da stadi civil sün fundamaint da Vossa decleraziun a bocca obain da Vossa dumonda in scrit.
Co stoss eu proceder?
Svizras e Svizzers
Per mantgnair il lö da conservaziun da lur mandat preventiv i'l register da stadi civil ston Ellas/Els esser abels d'agir. Ellas/Els pon passar persunalmaing pro ün uffizi da stadi civil da tscherna (tenor üna cunvegna da termin precedenta), obain inoltrar la dumonda in scrit ad ün uffizi da stadi civil. Il formular "dumonda da registrar il lö da deposit d'ün mandat da prevenziun i'l register da stadi civil svizzer" sta a disposiziun a la publicità suot formulars. A la dumonda suottascritta sto gnir agiunt ün muossamaint d'identità. Per plaschair na tour cun Vus il mandat preventiv pro l'uffizi da stadi civil. Vus douvraivat però ün pass obain üna carta d'identità.
Persunas estras
Nus cusgliain gugent per telefon (+41 81 861 00 08) davart ils documaints necessaris.
Cuosts
| Inscripziun | Fr. 75.00 |
| Mincha müdada / annullaziun | Fr. 75.00 |
| Conferma | Fr. 30.00 |
Che cha l'uffizi da stadi civil nu fa
- Ingüna conservaziun dal mandat preventiv
- Ingüna cusgliaziun obain emissiun d'ün mandat preventiv
- Disposiziuns dals pazients
As infuormai per plaschair pro Vossa chascha da malatia o pro Voss meidi da chasa in chossa.