Società da promoziun
Als 26 schner 2011 es gnüda fundada la società da promoziun da la scoula da musica Engiadina Bassa/Val Müstair. La scoula da musica es respunsabla per la scolaziun. La società da promoziun invezza pussibilitescha l'occupaziun culla musica tras quai ch'ella sustegna la scoula da musica in diversas robas. Sia quai pro progets ed arrandschamaints sco l'eivna d'evenimaint, chant, concerts da gala, ün cumün resuna, pro cumpritas dad instrumaints e pro'l sustegn social da famiglias. Pel mumaint sun seguaints commembers i'lla suprastanza: Vitus Malgiaritta, Roman Bezzola, Monica Vonlanthen e Jolanda Andri. Ella ha surtut l'on 2025 il presidi da Jonpeider Strimer chi'd es stat blers ons president da la società da promoziun.
Adressa:
Società da promoziun scoula da musica
Chasa du Parc
7550 Scuol
Infuormaziuns:
Jolanda Andri
7530 Zernez
