NRP

Culla nouva politica regiunala (NPR) sustegnan Confederaziun e Chantun il territori da muntogna, l’ulteriur territori rural e las regiuns periferas in lur svilup economic regiunal. Il program da realisaziun chantunal 2024-27 dal Grischun as focusescha sül rinforzar ils secturs turissem, industria ed innovaziun, scolaziun e sandà sco eir l’ «economia residentiala». Il svilup regiunal coordinescha dumondas per progets d’NRP, als quals la Confederaziun e’l Chantun sustegnan cun imports a-fonds-perdu o cun impraists.

La basa pels sustegns ed ulteriuras spiegaziuns relevantas guarda uffizi per economia e turissem e regiosuisse

Interreg

Il chantun Grischun as partecipescha al program regiunal da l’UE per sustegner la collavuraziun sur ils cunfins, al qual as pon partecipar eir stadis chi nu sun illa UE sco la Svizra. Il program d’Interreg vain scrit ed administrà svess dals chantuns e da las regiuns. La definiziun dal proget succeda da rapreschantants chantunals e regiunals. Regularmaing han lö inscunters bilaterals sül nivel regenza e regiun cun  rapreschantants da las regiun vaschinas.

La basa pels sustegns ed ulteriuras spiegaziuns relevantas guarda uffizi per economia e turissem e regiosuisse

Terra Retica

I’l rom dal proget d’Interreg Terra retica elavura la regiun Engiadina Bassa/Val Müstair insembel cun rapreschantants da las regiuns vaschinas da l’Italia e da l’Austria particular seguaints temas: economia, agricultura, turissem, cultura, trafic, scienza da la natüra (parcs), sandà e scolaziun. Il cussagl d’Interreg Terra Raetica pussibilitescha la collavuraziun intenziunada tanter las instanzas da la provinza da Bulsan Tirol dal süd (Vnuost), dal Tirol (Oberes Gericht – Landeck – Imst) e la regiun Engiadina Bassa/Val Müstair.